في ساعات الفجر الممتده طويلا مع نسمات الهواء اللطيف تقف لوحه علي حامل معدني بارد
كامله التفاصيل
يمكنك لمحها في زاويه المرسم ..اكتملت بالفعل
ولكن
تكمن لعنه قديمه في الزاوية الاخري من المرسم
انها ” لعنة الكمال”
نظرات متفحصة
عيون غير راضيه
قلب قلق
ويد مضطربه تتجه ناحية فرشاه ملطخه بالوان
وصوت خافت يحدثني من داخلي
بذمتك الشفه دي مظبوطه
..ماتزودي شويه ظل ع الرقبه كده ..
العيون نظرتها مطفية كده ليه … لالا لازم نعدلها
هووووب اللوحه باظت
يادي النيله
بعض الفنانين يقف في حيرة لا يعلم متي ياخد قرار ان هذا الخط هوا نهاية المطاف ..لقد انتهت اللوحه ..نعم انتهت…لماذا لم تقتنع ..هل تنتظر من اللوحه ان تصرخ فيك مستغيثه.. هل تنتظر احتجاجها
القرار قرارك انت – انت فقط- خد قرار مرة واحد واوقف فرشتك وانظر للوحتك وقل لقد انتهيت
المشكلة إننا بنعمل كده في حياتنا وعلاقاتنا.. بنبقى في قمة السعادة.. بس بنقعد ..نكعبش.. وننبش في التفاصيل الصغيرة وندور على الكمال المطلق.. لحد ما نبوظ أجمل لوحة رسمتها لنا الأيام… أوقات أعظم مهارة محتاجة تتعلميها كرسامة بائسة أو كإنسانة.. هي مهارة ..امتى تشيلي إيدك وتسكتي
